Temuramah ekslusif bersama badbishop (bahagian 2)

Masih ingat temuramah ekslusif ambo dengan badbishop sejurus kejohanan National Closed 2010?

Kali ini ambo ambik peluang interview pulok pasal Kelantan Closed 2011. Lokasi temuramah ini dirahsiakan, takut ado hok gi tike nombor ekor...

Naserov (N): Hoh, guano, habis doh ko?
Badbishop (BB): Habih doh, penat kali ni, sapa maghrib baru buleh tentu johan.

N: Bagaimano anda melihat prestasi penganjuran kali ini?
BB: Amat memberangsangkan, jumlah peserta yang hampir mencecah 100 orang boleh dikira satu kejayaan kepada PCNK. Itu tidak termasuk lagi peserta yang tarik diri anak jati kelate hok tok dapat kelik atas sebab2 banjir, tiket bas habis musim perayaan dan peserta2 yang tak dapat hadir sebab gi majlis kawin la, dio sediri kawin la...

N: Tahniah, tahniah...ada apa2 komen tentang juara KC2011?
BB: Biso telajok...tapi ble2 biso pun ambo ghaso hok no.2 pun biso jugok, walaupun syed azizi tok banyok pengalaman main kat luar, tapi ambo ghaso dio tu kalu diberi peluang buleh menggegar catur tanah air..gegar kot mano ambo tok tahu la...tapi buleh gegar la..

N: Tapi kelih ko seeded pun, ghasonyo dapat tentangan sengit dari yang bukan seeded?
BB: Memang benar, budak2 sekolah, remaja pun boleh tahan permainan mereka, jadi teori jerung dan ikan bilis tu sebenarnya tok leh paka sangat. Catur adalah permainan unik, tok kiro tuo setaro mano pun, buleh main lagi, kalu sukan lain tuo2 pancit doh.

N: Jerung nge ikan bilis dih...mmm jo lo jugok...ambo sokong, ambo ingat lagi ke saing kawe tu, SERIYES (serious) dio pernah kalah nge ikan bilis, walaupun tubuhnyo mace jerung...tu tok masuk lagi ikan bilis nnusuk dale kotok kale..
BB : Sapo tu?

N: Tok kisohlah sapo pun...haha (kok kit kok kit)
BB : Pah bakpo demo tok main?

N : Demo pulok ko interview kawe? ke ghoyat doh dale blog hari tu.....baco ko dok?
BB : Baco baco..

N : Demo nok ghoyat gapo2 lagi? ambo penat doh nok tulis dale blog ni
BB : Terima kasih yang menjayakan KC 2011. PCNK nampoknyo ado perkembangan positif. Seperti persatuan2 lain, ambo ghaso penajaan yang menjadi masaalah sedikit. Tapi takpo, kita kayuh slow2. Pah kalu sapo2 nok beri cadange, komen, kritik, silo terus bagi komen ke ambo atau ke blog catur kelate. Kito sedia mendengar semua komen dan selesaikan yang termampu, Jange duk bising belake, please support, daftar dulu jadi ahli PCNK atau ahli kelab gabungan..

N : Terimo kasih atas masa yang diluangkan, nanti ambo interview lagi, ambo harap PCNK akan terus maju...mano hok molek kita terimo, mano hok tok molek kito tok soh duk bbabak sangat...walaupun taraf 'aye utuk', ambo percayo demo akana jadi 'aye serama' pah ni...
BB : bbobok doh...

bersambung.....temuramah denge pemenang KC 2011

Comments

Popular posts from this blog

SET KAYU GOLF UNTUK DIJUAL

KEM MALAYSIA #KITA JUARA 2017