Sunday, January 1, 2017

Selamat Tahun Baru 2017

Assalamualaikum semua,

Selamat Tahun baru...layanlah video ini untuk rangkuman aktivit 2016 naserov...terima kasih buat insan2 catur yang hadir dalam hidup ini...semoga kalian semua terus berjaya dunia dan akhirat...


video



Tuesday, December 27, 2016

Majlis Makan Malam PCNK 2016

Pada 23 December 2016, satu majlis makan malam PCNK telah diadakan bagi menghargai sumbangan2 pemain dan jawatankuasa sepanjang 2016. Majlis ini telah berlangsung di Restoran Al-Khatiri yang menyediakan juadah istimewa, nasi arab ayam, kambing dan ikan (hok ni special untuk cikgu saupi jah, ayah kepado Najihah Saufi). Majlis yang serba ringkas ni bermula dari jam 9 mlm sehingga selesai hampir pukul 11.30 mlm, tu pun pemain2 sibuk main chess pulok lepah habih majlis. Restoran ini milik Tuan Salem Aziz, kalu lalu kot wakaf che yeh gak, napok selalu banner "ingat kain, ingat salem aziz", pah ni harap2 ado banner , "ingat catur, ingat salem aziz pulop" la, mogo2 banyk sikit masuk sponsor..pado malam ini sebenarnya hujan sangat lebat, ramai hok jem dan sampai lewat, pah sesat pulop guna gps pun nyo buleh sesat, baso gps tok berapo betul...ok..ambo bubuh gambar kenangan di bawah..


Menerima penghargaan untuk Naib Presiden PCNK

Mereka yang hadir, Satu Hati Satu Matlamat

Makan dulu

Bersama Tuan Salem Aziz
Di kesempatan ini, ambo ingin mengucapkan berbanyak terima kasih kepada semua jawatankuasa PCNK, MCF dan Tuan Salem Aziz yang merealisasikan jamuan malam ini. Tidok lupa pada semua yang telah hadir dan juga seluruh pemain catur kelantan di pelusuk tanoh air..Majulah semua tanpa bergaduh, berebut jawatan dan sekali sekalo tulong dengar pendapat orang lain jugok...

Semoga tahun 2017 lebih berjaya, ambo nok umum persaraan sebenarnya kalu buleh (ni sokmo umum, tibo2 jo ngo jugok, haha), tunggu jer lah...


Monday, December 26, 2016

Nyaris nak beat rekod Taulani Tukiran...

Rekod gapo ni? Rekod perfect score...untuk makluman Taulani Tukiran menang perfect score 9/9 dalam acara Johor Challenger 2016 bertempat di City Square pada 12-18 December 2016. Boleh dikatokan hebat jugok lah walaupun challenger sebab International, catur ni bukan ikut umur, ikut biso mmikir. Pah gapo dio duk gege ni? Jap, ambo bubuh gambar Taulani dulu, bersungguh dan bangga jugok sebab team mate ambo ni Maksak Johor.

Menerima hadiah selaku Johan Johor Challenger 2016

Bersama para pemenang
Pah ambo? ambo balik main alik kapong jah, tapi kalu balik tok main chess denge saing2 gak ghaso tok soh...jadi kebetulan ghama kelik cuti, maka PCNK buat la catur blitz barbat (presiden tok maghi), presiden tok mari sebab nok buat jadual sekoloh pada 23 December 2016...blitz barbat ni istimewa, bukan sekadar blitz, buleh barbat, buleh nyanyi, buleh la nok wat gapo2 asal barbat..nyaris buleh 9/9 jugok, main round robin, tapi Ariji sekat, sebab last2 buoh tinggal king samo king...kalu dok gak perfect score jugok la...pah ssoho ko? takdok soh la wei..doh namo barbat kito barbat la..jange wat gong la!

Mangsa pertama gara-gara Rhozisham buat live, ambo jjadi kuat
Bersama semua peserta..set kito tok ppecoh!
Pah gitulah, habih doh tu aktiviti catur untuk tahun 2016, kiro oklah, 2017 ghaso serupo nok bersara main, tapi nok jadi pengurus sepenuh masa untuk anok ambo..kalu dop gak, takdok orei nok ccaro ko dio, cari coach kat johor ni pun payoh jugok...Selamat tahun baru nanti!

Copy dari Chess Result, 2 AGM tersungkur akhirnya..tu bezo barbat dengan arena!
Bubuh la jugok hok Taulani ni



Wednesday, December 14, 2016

Majlis Penyampaian Insentif Paralimpiad Johor 2016

Tanggal 13 Disember 2016, ambo telah dijemput untuk majlis penyampaian insentif paralimpiad johor, bagi meraikan kejayaan para atlit yang telah menyumbang pingat pada sukan paralimpiad kebangsaan di Sarawak pada bulan Ogos yang lepas. Tahniah kepada semua kontingen johor, pasukan catur paralimpiad johor. Terima kasih pada Jabatan Belia dan Sukan (En Azmil khususnya), yang menjemput ambo ke majlis ini walaupun ambo hanya sempat jadi pembimbing para atlit dalam masa 3 hari..yer, pertemuan yang singkat, tetapi ambo rasakan para atlit dan pegawai2 JBS yang mengurus pasukan sudah macam family...Ambo sharing2 mana yang patut jer, Atlit sendiri memang sudah hebat dan luar biasa..jika masih diberi peluang, ambo takkan sia2kan sharing ilmu-ilmu yang ada di dada ni..bukan duit ambo kejar, Alhamdulillah, duit hok ado cukup makan doh, cuma ilmu ni kalau disimpan pun rugi..baik kongsi2.ilmu yang ada ni pun dari Allah..Ambo doakan adik2 sentiasa berjaya dalam hidup terutama dalam pertandingan catur di dalam mahupun luar negara!..Juga buat semua pegawai terlibat, semoga sentiasa terus maju dalam bidang masing2.....Malaysia Boleh! Salam Muafakat Johor!






Monday, November 28, 2016

KEJOHANAN INTERSTATE DI PAHANG

Ok, kisah interstate pulop pada tanggal 26 November 2016, interstate ni kiro antara negeri, kiro the best from negeri bertanding seluruh Malaysia, pah guano ambo terpilih? agok2 layok ko? ambo oghe suruh main ambo main, ambo nok jual diri offer main macam dop doh, ghasonya ambo tok kuat sangat berbanding dengan hok lain, malangnya ramai jugak pemain kelantan hok gagoh perkasa lain main untuk negeri lain, tapi takpolah, mungkin dapat bayaran lebih tinggi, itu hak masing-masing, main kelantan gak, buleh baju selai pun takpo doh, cumo tu lah, kalu ada sifat "kekelantanable" gak, pakat2 main untuk kelate la hok mano gagoh2 tu..bilo lagi nok berjasa untuk negeri sendiri, negeri hok kito kecik2 dulu samo2 naik, samo2 berlawan antara sekoloh, berguru dengan guru-guru hebat yang samo..tu jah ambo buleh pesan, ambo pun die-hard doh nge kelantan ni muga ambo ingat lagi saat2 manis main MSSK, cikgu dan arwah cikgu2 duk ngajar..gitulah..ok..so apo sudohnya interstate ni? ambo dei main 2 hari jah, sempatlah main 4 game, 2 menang 2 kaloh secaro peribadi..ok..biar blog jadi saksi, pada hari interstate jugok, kereto presiden (juga pengurus kami) rosak, jadi sebagai ganti, ambo la ganti dio terimo cenderahati dari Tunku Mahkota Pahang...siap gi beli kasut baru (thanks ariez hok pilih kasut gagoh, tajam di depan sepak kucing pun buluh mapuh)...ambo tepek gambar2 lah senei buat kenangan..cerito pun letih doh.

Menjunjung kasih Tuanku

Kesemua wakil persatuan catur negeri

Sesi berkenalan dengan pasukan Kelantan dan Pahang

My TeamMate
Pres tok dei paka baju seragam, terus mari ke dewan, baju ado kat bilik

Ambik aura CM Kamal Abdullah
Ni gambar kasut hok ariez pilih..gilo molek..rare!



Tuesday, October 18, 2016

Lepa ambik balik di MASUM unisza 2016..

Ok..lepa ambik balik (throwback la tu..jange duk wat pelik gak)...MASUM kali ni berlangsung di unisza gganu, kali ni team UTM hantar lelaki sahaja..pompuan habis cari doh, tapi ghama hok ada hal especially musim cuti sem ado hok bertune, ado melancong, ado hok jadi pengapit (bekali lah)...ambo ni bidang terjun je jadi jurulatih..nok melatih pun player2 lagi biso dari jurulatih..kiro gi sajo make angin sambil komen2 sikit la..prepare line hok mano patut...

Salam ukhuwah dulu dari team UTM..
Malas lah nok cerito panje2..kito letak gambar2 kenangan sajo supaya lekat dale memori..secara keseluruhan banyak pemain2 peningkat mutu permainannya, paling best penonton tak bosan la sangat bila buleh tengok game secaro dekat..semuanya berjalan dengan lancar..tabik spring pada team UTM yang telah berjuang habis habisan..kalah menang tu adat lah..ok ok..belanja gambar dulu..

Chin vs Amin (UKM)
Ilyas vs Nabil...draw
Sekali sekalo naik tengok set ttino main
Soaring upwards stylo
Ok cukup doh tu..gambar2 lain bubuh dale fb doh..tatkalo anok2 buah tengoh berentap, tokkei la nok tunggu 3 jam situ, dei la jugok gi minum air dengan jurulatih UMK, Ariez sambil tolok sepape duo..berpapan2 ghaso...pah tu gi round UMT kejap, mugo daghat tu gak tok rajin mari UMT dan unisza, tapi lalu sokmo kelik kelate, singgoh jah dopnyo..




sepanjang masum, adolah geng2 catur gganu mari nnawat, antaronya hafez hilmi dan hashim..antaronya ni, jange barbat sudoh la, sebab ghama lagi, cumo antaronyaaaaaaaa..



Pah selepas 5 hari...habislah masum...ambo kebetule nok kelik kelate nnupeilah Ariez nge Azlin, sebelum kelik, beraso nok g alik pantai kejap makei ccolek..pah tu terlintas ado saing kata gi warung poknong..sekali tengok takdok orei..pah duduk tunggu order tok sapa2..ruponya 3.30 baru bukok, kitonyo sapa kul 3..duduk jer lah situ..pah tibo2 pakat tengok ore ambik nombor..fuhh gagoh molek warung pok nong siap nombor giliran serupo bank..ambiklah kito...tibo2 marilah pulok sore pokcik ni tanyo "ike2 tok masok lagi ko?"...kkejut jugok..duk smeta dio pun berlalu begitu sajo...ni lah beberapa keping gambar di warung pok nong...


pulut sutong dengan manggo pulut sedak
mokcik ni kato setaro ni tok ghama, sekalo ghama lagi

caro guting sutong
oklah..habis lah episode kenangan di masum 2016..banyok memori sebenarnya tapi gak nok cerito belako sini meme tok dei la...hingga ketemu lagi next masum (kalu ambo buleh jadi coach lagi la..hehe)

Azlin and Chin
Azlin and Ali Chor.
Doh bakpo gambar azlin sajo ni?...nantikan episod seterusnyo.....wok yoh!

Monday, October 17, 2016

Ariez Azman The Empty Bench is a second GRAND MASTER in Kelantan and Malaysia!!

Tajuk jah kencek omputeh, tapi isi kito bui bahaso mudoh paham..tahniah pada ariez sebab jadi AGM kedua selepas Nik Ahmad Farouqi...bukan senang nok jadi AGM ni, keno main game online sapa biso...pah adik kakok setara mana puok2 kita? harap lepas ni makin ramai la kita lahirkan pemain2 berkaliber di Malaysia..

Nota : Gambar muka dan anak panah adalah saya paste sendiri..jangan duk samei pulop..sajo nok suruh napok gagoh...actually bab2 gambar ni Federation Malaysia keno ambik peka kebajikan pemain..takkan lah nak letak gambar pun susah..negara lain buleh..

Syabas anak muda..ini keli lah!

Post tertunggak..2016 tok tulis gapo satu lagi..namo blog pun "ambo update ikut mood"

Assalamualaikum belako..

Rindu ko blog naserov ko? hahaha, mapuh tok rindu pun, blog mengarut serupo ni ala2 sampah ditepi jalan, dipungut berapa kali sajo seminggu...

Pah lagu mano ni...ok..kawe try update la..tapi baru nok ingat2 gapo rangkuman 2016 ni hok ambo tok update..update pasal aktiviti ambo jah..aktiviti org lain malas nok ccaro la, bak kato pepatoh, jange jago tepi kain ore, mano sedap.. :

1. SUKUM
2. MAKSAK
3. MASUM
4. Ketereh Open
5. Astro Merdeka
6. Hari Sukan Negara
7. Lepok kedai kopi main chess
8. dan lain-lain dulu............................

...................bersambung ikut mood..ambo bubuh dulu random pictures di sini..nanti kawe update la...tok update pun takpo doh mugo rangkuman untuk setahun terus..haha

Mene pingat emas acara blitz SUKUM 2016..tok sio2 buat barbat blitz di stadium kelate!

Diberi pelue utk jadi coach paralimpiad skuad johor..actually player pandai2 doh..tulong sikit2 jah..ambo tok hebat mano..

Gapo gak kelih2...SUKUM 2016 di USIM

Gagoh ko dop setaro ni..

Merdeka 2016..jupo dengan Lee, ok oloh lah berapo tahun tok jupo..24 tahun rasanyo..sama MSSK ni dulu..

Team merdeka kelate..team barbat ni..ni buke paling kuat kelate, tapi hok kuat2 tok sei main kelate, so baik aku main lah!

On the way to Maksak Kebangsaan, singgoh lipis pekena patin sponsored by cikgu rhozisham gagoh sekali!

Bersamo Tg Sharifudin, my classmate maso Maher di Kejohanan Catur ketereh, thanks support pcnk..

Masum 2016 di unisza..dikelilingi putera puteri catur Malaysia dan arbiter catur tersohor gganu kiter...

Okalah..nanti kawe sambung deh..nok biar buleh semangat dulu ni untuk update..berhabuk sangat doh blog ni...wassalam.


Demo mungkin minat jugok...

Related Posts with Thumbnails