Temuramah eksklusif BBC with Kelate's playors (Pak Wang (Part 1))

June 21, 2010

Sebelum betolok kelik, ambo bagitahu oghe kuat dibelakang tabir pasuke Kelate, Mat Leng a.k.a Badbishops (BB) bahawo satu temuramah khas ake dibuat oleh BBC. Tekejut dan gedeba ghaik BB apabilo tok seko BBC news nok interbiu dio, sekali hok maghi BBC lain..

BBC : Assalamualaikum? sudoh habih main cheh?

BB : Waalaikumusalam, habih doh, game tadi mene, buleh la 4 poing.

BBC : Tahniah, kemah jugok la....Buleh demo ghoyat sikit lagu mano set2 Kelate tahun ni buleh dapat baju Duo helai sorang?

BB : Baju ni di sponsor oleh Arina Indah Enterprise dan Anuza Enterprise. Denge ado baju kenegerian sebegini, harapan kawe supayo semuo pemain2 ake bersemangat pelek ke' dan buleh main denge penuh tumpuan untuk jago namo baik negeri/Persatue catur kelate. seghupo jersey bola, kalu puok2 main bola tok paka jersey napok seghupo tok main bola..

BBC : Oh begitu, ambo pun nok ucap terimo kasih sekali lagi sebab ambo pun dapat duo lai..nasib baik duo lai kalu dok gak busuk banga la nok peghabih 5 haghi..

BB : Demo maghi interview pasal baju jah ko? Maghi jauh2 nok interview baju baik tok payoh...

BBC : Cheh, ambo botok palo demo ke baghu tahu...(sambil ketawa tubek air mato bejugha jugha)...pah apo komen demo mengenai pemain2 Kelate tahun ini?

BB : Kawe sangat puah hati, sebagai permulaan penubuhan PNCK, ambo ghaso satu perkembange positif denge pencapaian sebegini. Prestasi Nik (Nik Farouqi) paling kemah sekali sehingga pada pusinge akhir, hanyo dio dan Tan Khai Boon jah berpelue nok jadi NM...dio mene, dio buleh, dio kaloh, dio masih buleh at least Top 10, jadi semangat jue yg ditunjukkan oleh dio kito patut puji...

BBC : Hok2 lain lagumano?

BB : Syed (Syed Azizi) jugok telah menujukke prestasi cemerle, tiket sebagai Johan Kelantan Closed tidok dipersioke oleh dio denge mengutip mato2 penting untuk bekale permulaan jadi FIDE rated player...bekale sebata ghoti sebelum main merupokan satu strategi menarik...tapi hari ketigo nasib baik tok make ghoti kkulat, kalu dok gak, kawe tok tahu la lagu mano...

BBC : Bagaimano denge ambo?

BB : Demo cemerle jugok apabilo demo mene nge budok2, haha...tapi mene nge budok2 pun kalu taraf national closed tahun ni kigho kemah doh, kawe sediri pun peluh, ado so game kawe tu, kawe wat lolok sssilap, sekali sssilap sungguh...cilakak sungguh la time tuh...tu demo tok kelih lagi Madir keno cek mek awal nge budok...lepah keno cek mek, denga kato nok bbabak jugok bukok blog, blog namo gapo dio tok tahulah, kito tunggu jah...jange lupo, budok2 banyok mene top 20..dan kito ada CM dikalange budok2 jugok, so buleh 5 poing pun kigho oklah...

BBC : Demo tok se komen pasal game demo?

BB : Game kawe biaso2 jah, kawe kokok dari mejo bowoh, malah nok pecoh palo...sapa ado jugok budok2 mitok autograf sebab kena nge Badbishop's blog..mitok autograf nok sain score sheet jah...

BBC : Demo nok tamboh gapo2 lagi?

BB : Ado, kawe nok wi kredit jugok ko pemain kelate lain seperti Madir, Tarmizi, Afiqah dan Najihah sebab bermain sapa habih...Madir nge Tarmizi walaupun atah tiket sediri jugo memungut masing2 4.5 dan 4 poing, jadi termasuk kawe nge set2 tino, kito semua buleh kutip at least 4 poing...oklah tu kan?

BBC : Oklah...kughe2 tok bowok telur wat kelik kelate...demo ghaso patut ke kejohane seperti ini diadokan di tempat sebegini (UKM)?

BB : Kawe setuju sangat, tempat menarik, penginape memuaskan, cafe dekat dan boleh dikatokan amat puah hati..pihak penganjur, petugas dan arbiter jugo telah memainkan peranan masing2 denge baik...bagi kito pemain2 catur, tok semuo ado pitih nok main chess duk kat hotel2 mewah ditengah2 bandar Kuala Lumpur, doh la main 5 haghi..jadi kawe ghaso tempat sebegini dan kos penyertaan (yuran,penginapan,makan) yang amat berpatutan boleh meningkatkan jumlah pemain pado maso akan datang...

BBC : Ambo pun setuju, semakin oghe mampu nok maghi main, lagi ghama lah pemain hok sanggup tughun...ambo dengar demo ado beli CD chess untuk belatih tahun depe?

BB : Ado, kawe beli CD hargo RM5 ringgit dijual oleh Mr Andrew Oii a.k.a Gilachess, CD ni kawe akan study lebih kurang 900 keping gambar opponent untuk preparation tahun hadape. Denge study gamba2 ni, may be kawe buleh cipto novelty baru...

BBC : Beghat doh demo, ambo ghaso keno stop sini doh, seghupo tok beghapo keno (oghe puteh kato something wrong) denge demo ni nok study gambar pemain chess jah...

BB : Haha..MOLEK LAH...gi interbiu oghe lain la pulok, sereeyes (serius) ambo penat doh ni..kito gi minum fresh oren segelah dulu la pah sambong pulok...

Bersambung...........