Posts

Showing posts from April, 2010

Sek kelate dale top 100 in FIDE rated list

Image
Ambo tok se kecek banyok..ambo raso kalu buleh duk dale senarai 100 terbaik dale list FIDE kat malaysia kironyo satu penghormatan betapo kemahnyo puok puok ni..ambo ucap tahniah...ni hok ambo ambik dale list terkini hok AKTIF, hok tok aktif pun ghama..pah hok takdok rating FIDE tapi main ala-ala GM pun ghama (Guo Musang Master)...takpolah hok tu kito ceghito semula lah...ni lah hok ambo kenal dale list terkini May 2010...kalu tok tersenarai sini acu ngoyat ko kawe, maknonyo ambo tok kenal lah dio walaupun dio terkenal....

1) IM Mas Hafizulhelmi 2419 (No. 1 Malaysia)
2) Nik Ahmad Farouqi 2102 (No. 26 Malaysia)
3) Ab Haq Mohamed 2081 (No. 36 Malaysia)
4) Marzuki Yaacob 1916 (No. 95 Malaysia)

Marzuki Yaacob (Ranking ke 46807 dalam dunia dari berbilion manusio..kuat jugok nih....)

Aikk tok ke' pak oghe jah seghama2 pemain kelate...tu lah, sebenarnyo puok2 kelate ni kade-kade ghama nok main FIDE rated tournament, tapi gak keno gi main alik kola lupur sokmo..kola lupur jah banyok game seghup…

Diam diam berisi duo bloggors tempatan..

Image
Dale pado ambo duk perkenalkan bakal-bakal menggugat jiwo maso pemilihe kalu lah demo2 ni hok ambo duk ceghito sebelum ni tughun, tok lupa jugok ambo kepado duo bloggors Badbishops and Jijo the Najdoft...mugo hok ambo napok duo bloggors ni la aktif sikit lo ni untuk kelate, tapi ambo tok pasti hok lain lagi, mungkin ado tapi ambo jah tok tahu..zame2 gerhano bule dulu ariez (keno ban doh ni..tok aktif, jange main, tok aktif pun keno ban)....tapi sebab tumpuke pengajie, dio stop semeta (semeta ko stop terus??tu keno tanyo tue bade)

Oklah, ambo tok se ceghito banyok..kalu ceghito banyok takut tok leh stop, jadi babak pulok...Badbishops ni ambo baghu kenal sejok dio bukok blog dio...tapi permainan dio agok kemah..lebih kemah kalu main sambil pekeno mee goreng mamak nge te' beng atah mejo..jak ado dio buleh dikatoke sekoloh2 berminat nok ambik jadi coach utk ngaja budok2 sebelum masuk mssd,mssk dan sebagai nyo la..pernah bermain di National Closed tahun lepah kalu tok silap merupokan sa…

Baha dan Bakri....Dua 'BA' yang agok kemah

Image
Hari ni ambo duk uting, 2 'BA' ni jugok peverot nok mene dale selection nanti..buke gapo...demo duo oghe ni banyok jugok duk main top 5 setiap kali ado kejohane di kelate...nama mereka tok asing lagi...

Baha ni kalu keno gayo dio, habis nyo timbuk set2 kuat...ado NM hari tu pun dio timbuk jugok...(buke gocoh weii..lamo gak nyo same ambo pulok..ni main catur lah)..dio pun oghe kuat K.K lo ni...

Bakri pulok, sokmo jugok johe' dekat tournament2 kelate...dio ni player consistent jugok...

Ambo nok ceghito lebih2 pun oghe tahu belako doh pasal kekuatan dua 'BA' ni, jadi toksohlah ceghito panje2 sekadar demo kenal denge mereko sudohlah..

Pah setakat entry ambo hok ni ado 6 orang doh..ghama jugok sek sek kelate hok kuat ghuponyo, cumo selamo ini mungkin tok berpelue nok main di luar kelate...ni lah bagus ado persatue sebegini, mano tahu pah ni ghama lagi hok tubek seperti cendawan dari kalangan budok2 sekoloh...


Duo 'NIK' perlu diberi perhatie'

Image
Nik F...paka baju air asia...duta Man U bekalihh..

Kalu sebelum ni ambo cerito Kelate Edol IM Mas nge Haq, hok ambo duk napok buleh menggugat jiwo pemain catur lain adolah duo 'NIK' iya itu Nik Farouqi (Nik F) nge Nik Nazri (Nik N)..duo2 ni ambo napok samo kebal tapi tok leh lawe kegheto kebal la...kalu 'NIK' gak meme oghe tahu selalu bako Kelate...seghupo Tok Guru 'NIK' Aziz....

Nik F ni ambo napok dio duk main sokmo tournament2 terkini pah so Malaysia..tapi gak banyok alik KL jah pong..tapi dio pun meme dok kelate lo ni..ambo tok se lah cerito lebih2 pasal bakpo dio duk kelate...hok tu tanyo tue bade la...kekuatan Nik F ni terletak pado baju 'Manchester United'...dio ni rasonya peminat setio..tengok duk paka jersi Man U sokmo..kalu time Man U mene, dio kuat la..kalu Man U sekung, dio pun sekung..tapi rating FIDE dio buleh tahe la..pernoh menewaskan beberapa pemain ternamo di malaysia...


Nik N (ambo ambik dari blog Jijo dimano dio jugok fork gambar dekat …

Pemilihe set kelate ke National Closed 2010

Image
Huh..ambo raso ni ganah...baru la sek2 pemain catur kelate raso seghupo di hargai.. Terlebih dahulu biar ambo ucap terimo kasih pado usoho murni tubuhkan PNCK..sebenarnyo bilo ado persatue baghulah anok2 kito hok nok main catur terbelo nasibnyo...dengar kaba 14-15 mei 2010 ni selekson nok dibuat...tengok sini..PNCK....kalu bola RED WARRIORS, ambo raso kalu catur kito bubuh RED KNIGHTS...haha..ngapung ja ni.

Pah, tengok ko syarat2 dio tu, ambo meme layok nok join, ambo anok kelate jak 33 tahun tahun dulu..cumo cari rezeki kat johor jah...kebetule 13 hb ambo ado kijo kat kelate, pah ambo raso molek benar nih..buleh join kot..

Tapi pagi2 ni buke ambo nok cerito pasal ambo..pasal hebat ko ambo...kalu cerito ambo hebat tu namo dio riok dan takabbur...bukenyo ambo hebat sangat pong..so jauhi sifat2 lagu tu pado saing2 ambo..

Tengok ko gayo, maghilah kito imbas semulo beberapa pemain kelate hok di jangko mene 'kalu tughun la', kalu tok tughun lain ceghito...ambo ni buke nok jadi ahli nu…

Astro merdeka 2004

Image
Hoh...duk belek2 komputer, kawe jupo gambar ni..oghe kato kenange meme susoh nok dilupo..hok ni gambar maso astro merdeka 2004..team kawe U and I TM...sebenarnyo combine utm (kawe, mayday, juki) nge uitm (halim)....

Dulu2 raso sedap jah main catur...tamboh pulok buleh team nge set2 babak gini...dale bilik hotel babak pah ceroh...lo ni, kalu main team pun ado team serious jah...kaloh tok keno, mene tok keno...hok ado lagi lo ni, kawe nge juki..mayday tak dok semenanjung, halim pulok duk obersea...


with Mayday..lo ni mayday jadi toke pitih tubek kot laptop


ni juki nok sangat ambik gambar nge GMs..dio malu ajok kawe skali..GM Ian Rogers, denge GM gapo doh hok tinggi tuh..juki nyaris2 nok mene dengan GM tinggi nih..


Lawe nge set2 mss selangor girls kalu dok silap

oklah entry kawe ni ngarut2 jah..sajo2 jah nok letok balik gambar2 lamo supaya mano tahu semangat nok main catur ado balik...lo ni sebab doh berkeluarga sedikit sebanyak kawe raso gi main catur tu rugi maso tok bersama2 anok bini...ke…

Gi main lagi?

Image
Tadi, g opis kejap, siapkan kerjo hok belambok..lepah tu teringat lah nok main chess denge rakan2 sparing lamo...ambo maso mulo2 kelik ngaji dulu, gi jupo nge set2 ni la..g main catur alik kedai kopi...lo ni tok main kedai kopi doh...ado upgrade..g main ghumoh doh..koho seleso tempat nok main...kalu ikut ranking sekarang tigo oghe ni jauh doh ke depan, ambo jugok la terkebelake...tapi nok mene sangat mudah..keno babak sikit...demo ni seghabut peghut selalu...dale gambar bowoh ni (diambil di warung pak atim tahun lepas) adolah otai English Marzuki, Herman hok paling tok suko main sparing bilo dekat2 tournament, takut oghe tahu strategi dio, Salman hok hanya main catur bila stamina cukup, tido cukup dan ambo la tuh...

doh la....ambo nok masuk tido dulu...

Ambo bermain catur?

Image
Ni gambar maso main MAKSAK tahun lepas...ambo ni buke apo...sebenarnyo balik ngaji hari tu raso2 seghupo nok bersaro doh (kalu ambo bersaro pun tok jejas sangatlah sebab ambo ni buke lah pesaing pemain2 hebat di Malaysia pun)...tapi sebab oghe sughuh ambo main, ambo terimo la..doh la main kat kelate, buleh lah kelik kelate sekali...ambo tok se ceghito panje2 deh, sajo nok letak gambar ni sebagai muqaddimah blog ambo ni..


Hok ni lawe set kelate...mitok maaflah deh set kelate, johor timbuk 2.5-1.5..tapi ambo kaloh la..cikgu jijo kuat terlajok..bilolah buleh wakil kelate...rindunyo


Ni gambar ambo nge cikgu Kamal..kalu nok tahu cikgu kamal ni cikgu catur ambo masa MSSK selain arwah cikgu din, arwah cikgu soh, cikgu anis, cikgu sahadi dan ramai lagi..Tok seko la buleh jupo pulok selepas dekat 10 tahun lebih..tulah oghe kato kalu jodoh dok ke mana

Selamat Date.....

Selamat date..ni buke blog catur...tapi ado sikit2 jah...malas nok bukok blog catur lagi sebab kat Malaysia ni banyok doh...tapi sebab kawe minat catur jugok, may be ado lah sikit2 event catur...tapi kalu buleh kawe nok tumpu kawasan johor nge kelate jah..hok negeri lain kawe seroh ko blogger lain...

Blog ni kawe buat suko2 jah...malah nok babak lebih2...kawe buat pun sekadar nok simpe gambar2 dan kenange dale hidup kawe...family, saing2, panorama dan sebagainya...jadi hok raso meluat tok soh duk babak sangat la...kawe lo ni malas nok babak doh..blog ambo, ambo punyo sukolah deh...

ok...nanti sambung semula, nok main setting2 blog dulu biar come...