Round 4 dan 5 baghu buleh kutip point balik..

Round 4 baghulah buleh kutip point balik, kali ni nge seorang budok kecik (sebab tu la Mat Leng kato ambo ni timbuk budok), meme betul jugok, selepah game ni, 2 point ambo kutip mene nge budok...nok wat lagu mano, mugo ambo tok biso...malah kecek banyok, tok berapo nok de nulih panje2, nok gi hatar bini gi sekoloh (ko kurikulum pah ceghoh sekoloh zame lo ni...)

Jo lo doh gamba ni, maso ni Mat Leng duk sebeloh ambo, tapi dio tok kelihate sebab dio ambik gamba...sini lah kami berduo duk kok kik kok kih pah ceghoh..

Round 4

Putih : AMBO
Hitam : Wong Yinn Long

1.e4 c5 2.Nc3 d6 3.d3 Nf6 4.g3 g6 5.Be3 Ng4 6.Bg5 Bg7 7.h3 Nf6 8.Qd2 O-O 9.Bh6 Nc6 10.Bxg7 Kxg7 11.Be2 a6 12.h4 b5 13.h5 Kh8 14.hxg6 fxg6 15.Nf3 Ra7 16.O-O-O b4


17.Nd5 Be6 18.Ng5 Bxd5 19.exd5 Nd4 20.c3 bxc3 21.bxc3 Nxe2+ 22.Qxe2 Qa5 23.Qb2 Qb5 24.Qa1 Rb7 25.Nxh7 {ketiko ini hanyo Mat Leng nge ambo jah tahu insiden sebenar di gelangge, ambo tok sei ceghito lah sini...tok berapo kemah nok ceghito...maso ni ambo nge dio duk sebeloh nyebeloh mejo, tu tok leh tahe nok sssuko tu}


Qb1+ 26.Qxb1 Rxb1+ 27.Kxb1 Nxh7 28.f4 Kg7 29.Rde1 Rf7 30.Kc2 Nf6 31.c4 Nh5 32.Re3 Kf8 33.Rb1 Ke8 34.Rb7 Ng7 35.a4 Nf5 36.Re2 Nh6 37.Rh2 .....dio resign... 1-0


disebeloh ambo adolah Mat Leng masih duk kok kik kok kik ngila slow2 sebab dio pening main nge budok hok tok mikir mano main nge dio (maso budok tu increase sapa 1:35, dio ada 0:39, maknonyo budok tu tok mikir main nge dio...)...duk kok kik sapa budok kiting sound suh senyap.....



Round 5, ambo jupo denge Razali Hamzah...kalu sebut Razali Hamzah gak mesti oghe kenal selaluh Ng6...Blog dio pun kemah jugok...ambo main hite, male sebelum game ambo tok tahulah Nik gurau bewok ko atau sengoti, dio kato jange bui dia letok kudo di kat Ng6, bahayo...pah napok gayo, ambo keno kontrol moleklah kudo dio...

Round 5
Putih : Razali Hamzah a.k.a Ng6
Hitam : AMBO

1.e4 d5 {ambo tak dok ideo nok main gapo, ambo try ingat balik game2 ambo keno timbok ko taulani dulu, taulani dulu meme paka scandinavian, buatlah lagu mano, sene2 jah dio buleh jawab, jadi ambo pun try ingat2 je la..} 2.Nc3 d4 3.Nce2 d3 {tolok pah ceghoh..tok tahulah betul ko dok ni..} 4.Nc3 dxc2 5.Qxc2 c6 6.Nf3 Bg4 7.Be2 Nd7 8.d4 Bxf3 9.Bxf3 e5 10.Be3 Ngf6 11.O-O Be7 12.Rad1 Qc7 13.Rc1 exd4 14.Bxd4 O-O 15.Nd5 Qd8 16.Nxe7+ Qxe7 17.Qc3 Rfe8 18.e5 {lepah habis game, meme Razali kato dio silap, patut cover nge rook dulu...ambo ambik advantage lebih satu pawn jah, pah try hold game....}


Nxe5 19.Rfe1 Nxf3+ 20.gxf3 Qd8 21.Be5 Nd5 22.Qd2 f6 23.Bd4 Rxe1+ 24.Rxe1 Qd7 25.Re4 Re8 26.Rg4 Qf5 27.Qc1 Qxf3 28.Rg3 Qf4 29.Qd1 a6 30.Be3 Qe4 31.Qb3 Re7 32.Bd2 Kh8 33.Qd1 Qe2 34.Qc2 Nf4 {tekoh ni raso sedaplah sikit, kudo tu jadi liar doh...}

35.Rc3 Qe1+ 0-1



Gitulah game round 4 dan 5, tengahari tu gi semaye jumaat, Khutbah pasal kekejaman Israel terhadap palestin...saloh satu petike hok ambo ingat :

"Jangelah kito duk mengutuk sahajo kekejame Israel melalui tindakan2 mogok, perhimpune, bakar bendero Israel...mengutuk sahajo tidak dapat memberi apo2 kesan, kito perlu sertakan dengan tindakan, kita buleh jauhkan dari meniru gayo Israel, kito mesti bergantung kepado sistem ekonomi Islam sendiri, mengapo kito masih lagi duk tiru gayo barat, riba, judi sano sini, kito sokong produk2 Israel, kito membantu tingkatkan ekonomi mereka pado masa samo mereka tindas ekonomi kito......"

Gitulah bunyinyo ambo translate balik kot bahaso kelate.....mungkin tok samo tapi tulah hok ditegaskan dale khutbah tersebut....

Wallahualam...

Comments

Popular posts from this blog

SET KAYU GOLF UNTUK DIJUAL

KEM MALAYSIA #KITA JUARA 2017