Kisoh kucing dan tahiknyo...

Hari ni ambo tak dok entry chess sejajar buke blog catur...ambo teringat zame2 kecik dulu mok ambo ado ceghito pasal 'Mengapo kucing suko berak dale pasir?'.....ambo pun tok tahu kisah dongeng ko, kisah benar ko tapi hok mok ambo royat ko ambo lagu ni la....kalu sapo2 pernah dengar kisoh ni, tolong verify nge ambo...ambo nok wat buletin pasal "Kisoh penceritaan mok ambo"

Pado ketiko dulu2, kucing nge ghima (harimau) meme berkawan baik...buleh dikatokan selalu keluar bersama mace belangkas sebab masing-masing tengok muko lebeh kurang samo, ado misai, bentuk badan gayo samo cuma bezanyo, ghima tu besar, kucing tu kecik..

Ketiko duk tengok main gurau bewok, si ghima ni tanyo la si kucing....

Ghima : Wei nate kucing, guano gak mu buleh panjat pokok situ sini, deras molek mu hungga (lari)...aku nok jadi seghupo mung la, mu buleh ajar aku dok ghukah pokok (panjat pokok)?

Kucing : Oloh, demo ke saing baik ambo, buleh sangat....gini cagho dio (pada maso tu kucing tu ajarlah si ghima ni)...

Ghima : Kemah jugok buleh ngukah pokok ni dih...

Tibo-tibo di pertengahan dahe, kucing stop, kucing pun duk terpikir....kalu la dio ajar sapa habih, nanti ghima panda, silap2 haghibule kalu ghima lapa, kucing pun dio buleh make, jadi kucing raso nok nnusuk pun payoh atah pokok akan datang..

Kucing : Tok leh jadi ni ghima, kalu aku aja belako esok2 mung ni tok leh kigho, set2 kucing mu make, mugo mu tuh nate ghima, takdok perasae..

Ghima : Cis, mu tok cayo ko aku ko kucing?

Kucing : Aku cayo ko mung, tapi aku tok cayo ko spesies mung...mano tahu mung buat 'blunder' ko..

Ghima : Nate kucing sungguh la mung ni...hoh tak po lah, kalu gitu kalu mu turun, aku make mung, aku panah hati doh ni...Baso nate kucing....

(maso tu kucing dok atah pucok pokok, ghima tok leh ghukah tinggi doh sebab kucing tok se ajar)

Kucing : Jange lah gitu...ikut mung la, mung nok tunggu pah ceghoh bowoh tu, aku dok atah ni jah....

Sejok hari itu, kucing dan ghima berbaloh sesamo mereko. Kucing jadi takut denge ghima. Sebelum ghima tu blah, ghima tu ado ghoyat ko kucing...

"Dengar sini nate kucing, mulai hari ni spesies aku istihar putuh saing nge species mung...kalu aku jupa spesies mung, aku kejar sapa dapat make (makan) spesies mung. Tapi kalu tok dapat, pah ko tahik (najis kucing) mung aku make".....

Mendengar kemarahan ghima itu, sebab tu lah sampai sekarang spesies kucing akan sedaya upaya mengambus atau susuk (sembunyi) tahik dio lepas dio berak....sebab takut ko ghima.