Corat coret National Championship 2010 set2 kelate...

First (fuh kecek oghe putih pulok), ambo ucap tahniah kepada new NM Tan Khai Boon and NWM Fong Mi Yen...ambo tokse buat lipute meluah pasal keputuse kejohane ko, gambar2 kejohane ko, sebab kalu nok tengok detail pakat2 gi blog rasmi dio la..haghi tu ke ambo bui doh link tu (acu tengok balik entry kawe haghi tu)....

Oleh kerano pagi2 buto masuk ofis, tapi tok berapo nok ado maso sangat, ambo bui lipute ekslusif pemain hok tino dulu. Duo wakil tunggal hok di hantar adolah Siti Nur Afiqah Mohd Haslam dan Najihah Mohd Saufi....denga kato, mereko ni lah hok menyumbe pingat perok maso MSSM 2010 (kalu silap ambo mitok maaf, jange bbabak, itu hok ambo denga, ambo tok de nok check blog rasmi mssm sebab ambo ni buke blogger catur...)

Afiqah...

Bermulo pada seedod 30, Afiqah berjaya mendapat tempat ke 27 denge mato sebanyak 4 mato dari 9 perlawane. Semangat kental dio menghabiskan kesemuo 9 perlawane amat dipuji. Mungkin denge kejohane sebegini sedikit sebanyok buleh memberi semangat dan inspirasi kepado beliau di maso akan datang...kalu ditakdirke belawe nge wan madir, ambo ghaso silap2 buleh keno cek mek madir ni sebab sejarah madir keno cek mek meme kelah (see ree yes/serius ambo ngoyat ni).


Najihah

Soghe lagi pemain tino kelate adolah Najihah, juga berjaya memungut 4 mato dari 9 perlawane. Dio jugok meme berpotensi untuk maju lebih jauh (setagho mano jauh ambo tok tahu, ambo tok layok jadi nujum pok belale) selepas didedahkan pengalame bermain panje seperti ini. ambo haghap sangat, lepah ni PNCK ake bergerok aktif supayo bakat2 baghu dicungkil demi kemajue cheh kelate..

So gitulah serba sedikit mengenai duo wakil tunggal tino dari kelate...ambo nok ceghito lebih2 mace tok leh sangat sebab ambo tok tengok perlawane mereko ni, sokmo2, kalu habih game gi timbuk nasik sepingge kat kafe kalu habih game pagi, kalu game pete lepok minum air pulok nge kue malah...sambil2 lepok minum air, duk main suko pah ceghoh, cerito jelin belakon tok jadi la, ceghito kaloh cek mek awal la, ceghito jeghik la, ceghito pasal ghambut la...

Pen-OFF dulu, nok setel kerjo hok tertangguh sebab g main cheh lamo sangat...

Comments

Popular posts from this blog

Round 1 @ Asian Amateur

SET KAYU GOLF UNTUK DIJUAL

Majlis Makan Malam PCNK 2016