Ambo try belajar chess replayer...

Sebenarnyo, ambo lamo doh nok guno chess replayer ni, tapi gak tok jadi sokmo, nok jadi guano, asyik duk main rapid, tok pernoh nok tulih..nok bubuh game oghe lain pun tok berapo teruja sangat mugo blog ambo...kali ni ambo ado sipe game ambo, jadi kalu sipe dale komputer pun ghasonya tok ke mana, ambo buke jenis suko study sangat komputer chess ni..ambo tuo doh, tok de doh nok belajar bendo2 gini, maksud ambo, ambo takdok target nok jadi biso telajok dale chess doh...ambo doh sapa taraf nok main suko2, nok bbabak sikit2, nok jupo saing2 lamo, nok gelok ketawo bersamo....denge banyok kijonyo, denge comitment family pulok, surelah ambo tok de sangat nok beri perhatie...

Jadi ambo try la setup game pertamo ambo, tapi ale2 setup, ambo pun nok wat analisis sediri, ambo tok guno freeze, ribka atau gapo namo ghima chess enjin lain, ambo buat ikut sedap ambo, sebab tu ambo nok nasihat dekat sapo2 hok nok maju, jange paka sangat analisis ambo ni, lamo gak duk ingat analisis komputer, pah duk tiru style ambo main, mapuh la tok maju...gitu la deh, kepado opponent2 ambo, ambo buat ni sekadar memenuh blog ambo, takdo gapo2 pong...ambo ake boh belako game ambo mene atau kaloh...so tak dok nok besoho mano, nak sipe wat kenange abadi dale hidup ambo jah, kot2 anok ambo mitok nok kelih bilo dio besar2 esok, sene sikit...tok payoh godek komputer doh maso tu, bowok gi internet cafe, buko blog jah...kemah sikit

Putih : Shreyes A/L Subramaniam
Hitam : AMBO

Pusingan 1 : NC 2010

1.e4 e5 {Lamo doh ambo tok main e5 ni, ni baghu nok main balik...ambo penat nok main sicilian doh, banyok sangat variasi} 2.Nf3 Nc6 3.Bc4 h6 4.O-O Nf6 5.d3 Bc5 6.Nc3 O-O 7.h3 a6 8.Be3 d6 9.Bxc5 dxc5 10.Ne2 Qe7 11.Ng3 Na5 12.Bb3 Nxb3 13.axb3 Re8 14.Nh4 {disini ambo cubo nok me'maih' Nxe4 tetapi rasonyo tok lepah bilo Nf5, belago-belago, last last mapuh lah kudo ambo}

Position selepah move ke-14

g6 15.f4 Nh7 16.Nf3 exf4 {buleh pawn sebutir, raso sedap duduk sikit} 17.Ne2 g5 18.Qe1
Qf6 19.Nh2 Qxb2 {puah dok sajo, ambo ambiklah sebijik} 20.h4 Qxc2 21.hxg5 hxg5 22.Ng4 {adokah dio nok wat spelek ko ambo, dekat denge 15 minit ambo pikir, ghupo-ghuponya free sungguh..}


Bxg4 23.Nxf4 gxf4 24.Rxf4 Bh5 25.Qg3+ Bg6 26.Raf1 Rf8 27.Rxf7 Rxf7 28.Qxg6+ Rg7 29.Qe6+ Kh8 {sapa sini ambo ghaso takdok gapo doh, main maintain jah...}


30.Rf2 Qxd3 31.Qe5 Qd1+ 32.Kh2 Qd6 33.Rf5 Rag8 34.g4 Qxe5+ 35.Rxe5 Rxg4 36.Rxc5 Rh4# {cek-mek} 0-1

Position terakhir

Untuk mmain balik, ambo cubo guno replayer ni..kemah jugok, ambo ingat susoh nok wat gini, ghupo-ghuponya takdoklah susoh sangat guna replayer ni..tu pun Jijo ajar ni..

Pah ambo seghoh ko mayday la bui comment, sebab mayday pun ghasonyo ado lawe jugok nge hok main nge ambo ni...