Habih doh....Kelate Close 2010....

Semale tamatlah sudoh kejohane duo haghi Kelate Close yg berlangsung di Dewan SMK Putera. Napoknyo ambo tok leh setaraf nge Nujum Pak Belale lagi sebab ambo 'tinggal Syed Azizi dale ramale kawe jadi juara...Mano tok tinggal ambo pun tok beghapo nok kenal sebelum ni...sini jah ambo kenal..habih nyo timbok pok2 hok kawe duk ramal..tapi dio deserve la..Tahniah...oghe dio cool jah, mene pun rileks, tok kecek besar, hok tu la kito nok....Keputuse penuh pakat2 tengok gambar bowoh ni la, ambo nok tulih panje2 pun tok cekak..sini pun ado..badbishop dan my chess life (jijo). gambar2 ni ambo edit doh..nok letok tiap2 gambar nati takut jadi album gambar pulok blog ni..doh la buke' blog catur...hok no 3 tu gambar lain sikit buke lah special edition, doh mugo ambo hok ambil gambar takdoklah gambar ambo...tok de nok bui camera kak oghe lain....pah gitu la deh..pakat2 tengok la gambar bowoh ni...ni jelah sempat ambo rakam..









Jadi habislah episod Kelate Closed 2010. Tahniah kepada pemenang terutama kepada 2 tempat pertama Syed ngan Nik sebab dapat fully sponsored ke National Closed 2010..Pemenang wanita pun bule cale-cale, tahniah jugak, dapat jugok sponsored demo2 ni...Dan semestinyo kepada penaja hok sudi buat Kelate closed...namo gapo doh ambo tok ingat hok dok bagi hadiah tu..tapi meme friendly...Gambar-gambar berikut pulok gambar2 sekitar dan suasana kejohanan..acu kelik molek gambar bowoh ni..samo tok seghupo..so, pakat tange2 duk tunjuk gapo pun tok tahu..ghupo2nyo gambar keduo terjawab, nok suruh pengajur hok kemah sekali bergambar sekali...sapo dio tu..tokke tok kenal kot..the only badbishop hok tok bad..



Lain-lain, gambar2 duk berentap je la bowoh ni...







Cukuplah dulu deh, gambar2 lain ambo sipe je la, nok bubuh semo gak tok tuleh blog setahun la pah ni...tapi paling kelah Kelate Close ni bilo ada penonton ala-ala Lin Dan lawe Chong Wei...gege ghiuh...bunyi visel, bunyi trompet, mace2...tapi konsesntrasi pemain tok pernah lumpuh..main denge happy jah, jadi persepsi main catur kena senyap rasanyo doh lapok..kalu ado penonton buleh wat gege sedak jugok..sebenarnyo sebelah dewe ado volleyball peringkat MSSK...ambo letok dua keping gambar sini buat peminat volleyball..



pen-off dulu..nok gi caghi budu kak koto baghu dulu.....ale-ale kelik kelate..

Comments

Post a Comment

Popular posts from this blog

Round 1 @ Asian Amateur

Image
Kali ni beghaso nok update simpan buat kenangan game2 ambo sepanjang kejohanan Amateur dan selected games saing2..jadi ikut ambo lah deh mugo blog ambo..hok mana lawan ngan kawe, ambo mitok nok bubuh la ssini...suko2 jah...nok letak semua hok saing2 takut nyo kato habih oghe tau opening gapo dio main...ambo tok kisah, sapa nok study game ambo pun study lah..at least "membantu" pemain2 lain buat preparation sebelum bertemu ambo...loh la, ambo tok de nak prepare game org lain pun..gi main jah..sebab de mari barbat ambo buleh main mace2 jenis opening..main je lah menang belum tentu.. Kalu pengunjung jumpa MOVE-MOVE menarik atau menganalis game2 yang ambo letak di sini, silalah berkongsi...kami semua amat berbesar hati kerana kami sentiasa baru belajar dan menimba ilmu ini takkan habis sehingga akhir hayat....dipersilakan tinggalkan komen yer.. Pada pusingan pertama, malamnya ambo telah dipairingkan melawan sesama team Kelate sendiri dengan Azlin...namun begitu keesokannya dikhab
Read more

SET KAYU GOLF UNTUK DIJUAL

Image
ni ambo nok let go set kayu golf terpakai brand hippo+ sebatang donnay slammer II (untuk pukulan jarak jauh..jo lo ko nih) ..ambo tok reti nok describe sebab ambo tok main golf, hari tu beli ingat nok main golf tapi main chess lagi sedap...jadi kalu sapo2 korporat hok tengoh cari kayu golf, ambo nok bui semuo ni dengan harga RM700 sahaja...cash and carry, jange suruh pos weii...mapuh ambo...tengok gambar..berbaloi baloi..nok beli sebatang pun beratus2 doh...
Read more

Majlis Makan Malam PCNK 2016

Image
Pada 23 December 2016, satu majlis makan malam PCNK telah diadakan bagi menghargai sumbangan2 pemain dan jawatankuasa sepanjang 2016. Majlis ini telah berlangsung di Restoran Al-Khatiri yang menyediakan juadah istimewa, nasi arab ayam, kambing dan ikan (hok ni special untuk cikgu saupi jah, ayah kepado Najihah Saufi). Majlis yang serba ringkas ni bermula dari jam 9 mlm sehingga selesai hampir pukul 11.30 mlm, tu pun pemain2 sibuk main chess pulok lepah habih majlis. Restoran ini milik Tuan Salem Aziz, kalu lalu kot wakaf che yeh gak, napok selalu banner "ingat kain, ingat salem aziz", pah ni harap2 ado banner , "ingat catur, ingat salem aziz pulop" la, mogo2 banyk sikit masuk sponsor..pado malam ini sebenarnya hujan sangat lebat, ramai hok jem dan sampai lewat, pah sesat pulop guna gps pun nyo buleh sesat, baso gps tok berapo betul...ok..ambo bubuh gambar kenangan di bawah.. Menerima penghargaan untuk Naib Presiden PCNK Mereka yang hadir, Satu Hati Sat
Read more