"Penantian saya selama 2 tahun berakhir", Syed Azizi

"Penantian saya selama 2 tahun berakhir". Itulah jawapan paling ringkas yang ambo dengar dari Syed Azizi (SA) setibanya ambo di kedai nasi air mok su nab untuk menemuramah beliau secara ringkas.

Ditanya bagaimana 2 tahun itu telah berakhir, SA menjawab, "Ho la, mulo2 tahun 2010, gi barbat nge demo kat UKM pada national closed, pah tu 2011 demo takdok ambo gi main lagi dan paling latest, barbat pulok kat Asean Amateur dan FIDE rated kelantan, cukuplah 2 tahun...yo lo doh dih 2 tahun??"...nampaknya SA cubo meyakinkan ambo.

Hampir menitis air liur ambo mendengar betapa susah payahnya beliau selama 2 tahun ini untuk mendapatkan rating FIDE untuk para peminat beliau khususnya di Kelantan kerana nasi air telahpun dihidangkan.

Nasero : Ok SA, kito sambung sikit lagi, apo perasae demo setelah berjaya menempatkan diri dalam 100 kelompok terbaik pemain catur di Malaysia yang aktif buat masa kini?

SA : Perasae tu, tentulah gembira, soalan ggapo demo tanya ni?? Sapo tok gembira, dapat rating jah terus buleh duduk 100 terbaik, bukan senang tu..tamboh pulok set2 lain, Baha, Nazri, Ezmi dan sekutunya semua hebat2 jugak..kiro perasae ambo kiro sesedap nasi air ni la..nok royat tok keno sangat...

Nasero : Kalu sesedap nasi air ni ambo paham lah tu...berbalik kepada karier demo sebagai pemain catur, ada demo nok kongsi pengalaman pahit atau manis sepanjang karier demo?

SA : Manis tu banyok, sapa mmanih leting ambo ghaso...ambo pun tok seko sejak menjuarai Kelantan closed 2010 di SMK Putra, Koto Bharu, namo ambo mula dikenali ramai, ramai pun set2 kelate jah kenal, mugo ambo ni low profile dan tawadduk...tapi ambo tok kisoh mano lah, ambo main chess ni pun nok kenal lagi saing2 lebih ghama. Paling manis kira lepas menang kelantan closed 2010, kironya ambo dapat sponsor buleh wakil set kelate di national closed UKM..buleh baju duo helai dan duit poket. Maso tu performance ambo seimbang. Cuma ado sekali tu ambo nyarih2 nok make ghoti kkulat (expired) garo2 ambo sipe dale poket seluar, nasib baik saing ambo perasan masa tu. kalu dok gak ambo ghaso ambo tok leh habiskan game masa tu takut duk alik nok gi jambe jah. Tahun 2011, ghama set barbats tok main di national closed, may be sebab main di datcc dan tengoh2 kuala lumpur, ghama set barbat pikirkan kos penginapan yang tinggi...ambo pun nasib baik buleh main lagi sebab dapat runner-up di kelantan closed 2011. bule 9 pulok, saing2 pakat bui kepercayaan untuk fide rated kelate, pah nyo maghi barbat tok ingat ajok ambo gi mmain Asian Amateur...ambo tok se gi doh, tapi sebab de maghi barbat, ambo ghaso tok leh, bui nasik 2 pingge habih kalu de maghi perasae barbat tu..

Nasero : Panje lebar doh demo jawab tu, ambo tok se tanyo pasal dinasour lagi, sebab ghama doh tahu bagaimana dinasour tu tekok panje sebab demo explain doh dulu, cumo ado demo nok tambah lagi dok?

SA : Ado, acu panggil mok su nab kejap...

Nasero : Bakpo pulok?

SA : Nok tambah semakuk nasi air lagi....hehehe

Nasero : Loh la...dok ehh demo nok tambah gapo2 lagi ko pasal cerito catur ni?

SA : Ohh...ambo hanyo nak ucap terima kasih pada hok semua menaja ambo, terutamo Abe Leng kito hok banyak tulong ambo sejak tahun 2010 lagi...beliau tu jenis buke kecek sajo, ble2 barbat dio cari sponsor untuk ambo dan saing2..pah setiap kali gi main, dio duk sebilik sokmo nge ambo dan selalu beri motivasi kepada ambo untuk buktikan bahawa ambo buleh maju dale catur...cumo kade2 tu asyik hile jah dari bilik gi make nge saing2 dio..ttinggal ambo soghe dale bilik....dio lah hok urus belako pasal penginapan ambo, kalu demo nok tahu, dio jugak lah hok perase ghoti kacang merah ambo tu kkulat...banyok jaso dio sebenarnya...ambo meme tok leh balas.....Tapi selain abe leng, saing2 hok lain pun ambo suko jugak, gelak ketawa tu hok mahal, main chess tu sampingan jah...tamboh2 kalu Ezmi ketawo....ggepo sapa ko Koto Bharu kalu duk di KL...

Nasero : Oloh emotional pulok....kalu Abe Leng dengar buleh menitis air mato dio ni....

SA : Dio nnitih sokmo doh kalu duk nge set barbats...nyo keno mmapuh sokmo...eh ado so lagi, kalu Abe Mei baco interview ni, nok suruh dio jjago mmolek adik angkat hok dua orang tu, sebab ambo tok de nok jago....

Nasero : Adik angkat..ho yo lo jugok, baghu nok tanyo pasal adik akat, ingat lagi demo...lepah ni kalu nok interview, demo ghaso sapo pulok patut ambo interview, ambo bui demo pilih sebab demo adolah champion dikalangan unrated fide kelate...

SA : Pah ni acu demo interview Mahadir pulok....sebab ambo dengar blog dio aktif balik, mungkin kalu interview dio, banyok sikit dio nok ulah...ulah dale senyap....

Nasero : Beres lah kalu gitu....sebelum bersurai, buleh ambo ambik tandatangan demo atah board catur ni?

SA : Buleh jah, cumo tok tahulah laku ko dok...............pah so lagi rol, baju ko ambo lain kali buat bbesar sikit, hok hari tu kecik dan sendak sikit..buleh lah paka wat tidur rol...ni nok pese kepada sponsor2 baju la lain kali hok besar dan munasabah la ko ambo..

(Sesi tandatangan pada board catur telah selesai, maka kami bersurai selepas menjamu nasik air mok su nab dengan SA menambah 2 makuk)

Berikut salah satu petikan game menarik SA untuk tatapan peminat dengan menewaskan pemain yang mempunyai rating 2000 lebih...